Áıelder men jasóspirimder kolonııalarynda bilim alý múmkindigi artady
ASTANA. KAZINFORM — Áıelder túzeý mekemeleri men jasóspirimder kolonııalarynyń kitaphanalary jańa kitaptarmen tolyqtyrylady, dep habarlaıdy Adam quqyqtary jónindegi ýákil Artýr Lastaev.
Onyń sózinshe, memlekettiń mańyzdy áleýmettik mindetteriniń biri — sottalǵandardy túzeý jáne olardyń qoǵamǵa qaıta oralýyna jaǵdaı jasaý. Bul máselede oqshaýlaý oryndarynda otyrǵan kámeletke tolmaǵandar men áıelderge erekshe nazar aýdarylady.
Osy oraıda Adam quqyqtary jónindegi ýákil Artýr Lastaev sottalǵandardyń bilim alýyn jáne qoǵamǵa beıimdelýin qoldaý úshin áıelder túzeý mekemeleri men kámeletke tolmaǵandarǵa arnalǵan kolonııalardyń kitaphanalaryna kitaptar jetkizýdi uıymdastyrýdy usyndy.
Bul rette Almaty oblysyndaǵy áıelderge jáne balalary bar áıelderge arnalǵan № 10 ortasha qaýipsizdik mekemesiniń kitaphanasy kitaptardyń alǵashqy partııasyn aldy.
— Kitap — bilimniń, rýhanı damýdyń jáne jeke tulǵanyń ósýiniń mańyzdy kózi. Oqý mádenı deńgeıdiń artýyna yqpal etip, soǵan sáıkes sottalǵandardyń ońalýyna jáne qoǵamǵa qaıta beıimdelýine kómektesedi, — dep atap ótti Artýr Lastaev.
Budan buryn SQO-da sottalǵandarǵa kómek kórsetetin JI keńesshi iske qosylatyny belgili boldy.