Áıelder men balalarǵa zorlyq-zombylyq úshin jazany qatańdatýdy qarastyrý kerek – Prezıdent
«Qoǵamdaǵy zorlyq-zombylyq deńgeıin tómendetý úshin júıeli sharalar qabyldaý qajet. Bul turǵyda otbasy-turmystyq qatynastar salasyndaǵy quqyqbuzýshylyqtarǵa qarsy tıimdi sharalar úlken ról atqarady. Búginde azamattar men qoǵam belsendileri áıelder men balalarǵa qatysty zorlyq-zombylyq úshin jazany qatańdatý qajettigin jıi kóterip júr. Buryn men osyndaı quqyqbuzýshylyqtardy krımınalızatsııalaýdyń oryndylyǵyn anyqtaýǵa nusqaý bergen bolatynmyn. Bas Prokýratýraǵa osy máseleni jan-jaqty zerdelep, sheshýdi tapsyramyn», - dedi Qasym-Jomart Toqaev.
Buǵan deıin Qasym-Jomart Toqaev Qazaqstan halqyna Joldaýynda Konstıtýtsııalyq sot qurýdy usynǵan edi. Onda Bas prokýror men Adam quqyǵy jónindegi ýákilge de Konstıtýtsııalyq sotqa júginý múmkindigin berýdi usyndy.
Sonymen birge, Prezıdent azaptaýmen baılanysty qylmystardy Bas prokýratýraǵa júkteýdi usyndy.
