Genderlik zorlyq-zombylyq: elordalyqtar trenıngke qatysyp, tegin keńes ala alady
ASTANA. KAZINFORM – Respýblıkalyq aktsııa 25 qarasha men 10 jeltoqsan aralyǵynda ótedi.
«Genderlik zorlyq-zombylyqqa qarsy 16 kún belsendi is-qımyl» aktsııasy áıelderdi, balalardy jáne otbasylardy turmystyq jáne tsıfrlyq zorlyq-zombylyqtyń barlyq túrinen qorǵaýǵa baǵyttalǵan. Іs-shara jyl saıyn uıymdastyrylady.
Aktsııanyń maqsaty - zorlyq-zombylyq máselesine qoǵam nazaryn aýdarý jáne qoljetimdi kómek týraly halyqty keńinen aqparattandyrý. Uıymdastyrýshylardyń aıtýynsha, bastama tek aqparattandyrý deńgeıin arttyrýdy ǵana emes, sondaı-aq kez kelgen zorlyq-zombylyqqa nóldik tózimdilik mádenıetin qalyptastyrýdy kózdeıdi.
- Eki apta ishinde elimizdiń barlyq óńirinde aqparattyq, bilim berý jáne áleýmettik baǵyttaǵy júzdegen is-shara ótedi. Turǵyndar áleýmettik jelidegi kampanııalarǵa, tikeleı efırlerge, ashyq sabaqtarǵa, ata-analar jınalystaryna jáne trenıngterge qatysa alady. Saýda ortalyqtarynda keńes berý pýnktteri jumys istep, kóshelerde áleýmettik jarnama men aqparattyq materıaldar ornalastyrylady. Іs-shara elordanyń 10 myńnan astam turǵynyn jáne búkil el boıynsha odan da kóp azamatty qamtıdy, - dedi Astana qalasy Polıtsııa departamentiniń qoǵamdyq qaýipsizdik jáne turmystyq zorlyq-zombylyqqa qarsy kúres bóliminiń ınspektory, polıtsııa aǵa leıtenanty Gúlzat Kerimbekova Astana qalasy kommýnıkatsııalar qyzmeti alańynda ótken baspasóz máslıhatynda.
Elimizde jyl saıyn polıtsııaǵa turmystyq zorlyq-zombylyq týraly 100 myńnan astam habarlama túsedi.