Áıelder men balalar quqyǵy, qumar oıyndy azaıtý, veıpke tyıym salý – Bıyl Prezıdent 95 zańǵa qol qoıdy
ASTANA. KAZINFORM – Memleket basshysy bıyl 3 979 qujatty qarap, qol qoıdy. Onyń ishinde 95 zań, 319 jarlyq, 81 ókim, 28 otyrys hat¬ta¬masy, 3 456 qyzmettik qujat qabyldandy. Bul týraly QR Prezıdentiniń keńesshisi – Baspasóz hatshysy Berik Ýálı Egemen Qazaqstan gazetindegi maqalasynda jazdy.
Atyraýda ótken Ult¬tyq quryltaıdyń úshinshi oty¬¬rysynda Prezıdent bes áleýmettik keselmen kúresti kúsheıtý jóninde naqty tapsyrma berdi.
– Osyǵan oraı, bıyl Áıelderdiń quqyqtary men bala¬lardyń qaýipsizdigi týraly Zańǵa qol qoıyldy. ıAǵnı turmystyq zor¬lyq-zombylyq úshin qatań jaza belgileıtin, balalar quqyǵynyń qorǵalýyn qamtamasyz etetin jańa normalar engizildi. Budan bólek, Adam saýdasyna qarsy is-qımyl týraly arnaıy zań qabyldandy. Vandalızm men ózgeniń múlkine zııan keltirgeni, qoǵamdyq tártipti buzǵany úshin jaýapkershilikti kúsheıtýge, qumar oıynǵa táýeldilikti azaıtýǵa, veıpke tyıym salýǵa baǵyttalǵan zańnamalyq ózgerister jasaldy. Atalǵan bastamalarǵa qatysty zań jobalaryn ázirleýge Parlament depýtattarymen qatar, Ulttyq quryl¬taı músheleri de belsendi atsalysty. Osylaısha, Prezıdent únemi aıtatyn «Zań men Tártip» ústemdigi qoǵamda birtindep ornyǵyp keledi, – deıdi Prezıdent keńesshisi.
Sondaı-aq, Prezıdent tapsyrmasymen «Jaıly mektep» ulttyq jobasy aıasynda qalalar men qarqyndy damyp kele jatqan eldi mekenderde 460 myń oqýshyǵa arnalǵan jańa 217 mekteptiń qurylysy júrgizilip jatyr. Búginde 36 mektep paıdalanýǵa berildi. Onyń 15-i aýyldyq eldi mekenderde ornalasqan.
– Bul – bilim berý salasynyń ınfraqurylymyn damytý isinde qala men aýylǵa birdeı kóńil bólinedi degen sóz. Al birneshe jyldan beri júzege asyrylyp kele jatqan «Aýyldaǵy densaýlyq saqtaýdy jańǵyrtý» ulttyq jobasy aıasynda alǵashqy sanıtarlyq-medıtsınalyq kómek kórsetetin 276 nysannyń qurylysy aıaqtaldy. Onyń 99-y 2023 jyly, al 117-i bıyl iske qosyldy. Keler jyly 125 nysannyń qurylysy júrgiziledi. Onyń ishinde 32 aýdandyq aýrýhanany jańǵyrtý jumystary jalǵasyp jatyr, – deıdi B. Ýálı.
Aıta keteıik, jyl basynan beri Parlament 104 zań qabyldady.