Áıelder kúresinen Ystanbulda ótetin sońǵy irikteý týrnırine kimder barady

ASTANA. KAZINFORM – Áıelder kúresinen Qazaqstan komandasynyń bas bapkeri Qaırat Saǵadıev olımpıadaǵa joldama beretin sońǵy irikteý týrnırine qatysatyn balýandardy atady.

Olympic.kz saıtynan alynǵan málimetke qaraǵanda, lıtsenzııalyq jarysta Qazaqstan namysyn alty balýan qorǵamaqshy. 

Túrkııanyń Ystanbul qalasynda ótetin lıtsenzııalyq týrnırge qatysatyn balýandar tizimi:

50 keli: Laýra Ǵanıqyzy,
53 keli: Marına Sedneva,
57 keli: Laýra Almaǵanbetova,
62 keli: Irına Kýznetsova,
68 keli: Elena Shalygına,
76 keli: Elmıra Syzdyqova.

Kúres túrlerinen sońǵy irikteý týrnıri 9-12 mamyr kúnderi ótedi.

Aıta keteıik, budan buryn Bishkekte áıelder kúresinen ótken dodada qazaqstandyq birde-bir balýan olımpıada joldamasyna ıelik ete alǵan joq. 

Onda myna balýandar baq synaǵan edi:

50 keli: Laýra Ǵanıqyzy,
53 keli: Juldyz Eshimova,
57 keli: Emma Tısına,
62 keli: Irına Kýznetsova,
68 keli: Elena Shalygına,
76 keli: Jámıla Baqbergenova.