Áıelder kúresinen Ivan ıArygın týrnırinde baq synaıtyn balýandar anyqtaldy
ALMATY. 26 qańtar. QazAqparat /Erlik Erjanuly/ - 27-31 qańtar kúnderi Krasnoıar qalasynda erkin jáne áıelder kúresinen FILA-nyń Golden Grand Prix serııasyndaǵy Ivan ıArygın týrnıri ótedi.
13 memlekettiń sportshylary qatysatyn bul básekede áıelder quramasynyń bas bapkeri Sarjan Jaqsybekov Qazaqstan namysyn qorǵaýda ár salmaqta birneshe balýandarǵa úmit artyp otyr. Onda óz salmaq sanattary boıynsha Eleonora Ábýtálipova men Juldyz Áshimova, Gúlmıra Ysqaqova men Aıjan Ysmaǵulova, Aıym Ábdildına, Merýert Dynbaeva men Jýlııa Satymbekova, Olga Kalınına, Tatıana Zaharova, Elmıra Syzdyqova kúrespek. Olar sońǵy oqý-jattyǵý jıynyn 10-24 qańtarda Qaraǵandyda ótkizgen bolatyn. Krasnoıarskide bul dodada 27 qańtar kúni 51, 59, 67 kelidegi balýandardyń jerebesi tartylyp, negizgi beldesýler juma kúni ótedi. Al qalǵan balýandar senbi kúni saıysqa túsedi.
