Áıelder kúresinen E. Shalygına men G.Manıýrova - Azııa chempıondary
ASTANA. 19 aqpan. QazAqparat - Koreıanyń Gýmı qalasynda kúres túrlerinen ótip jatqan Azııa chempıonatynda áıelder arasyndaǵy kúreste Qazaqstan qorjynyna 2 altyn, 1 qola medal tústi.
«Alaman» ulttyq sport portalynyń málimetinshe, 55 keli salmaq dárejesinde kúresken Aıjan Ysmaǵulova úsh kezeńge sozylǵan beldesýde qytaılyq Tı Nınh Trannan utyldy. Al úshinshi oryn úshin bolǵan talasta qyrǵyz ókili Gýlına Qýbatbekqyzymen kezdesip, qarsylasynan myqtyraq boldy. Qorjynymyzǵa alǵashqy medaldi salǵan Aıjan.
67 kelide Elena Shalygına qýantty. Elena boz kilemge úsh márte shyǵyp Azııany baǵyndyrdy. Shalygına fınalda mońǵol qyzy Baıarzaıa Tsenderdorjben kezdesip, qarsylasyn 1:0, 4:0 esebimen utty.
72 keli salmaq dárejesinde el namysyn Gýzel Manıýrova qorǵady. Fınalǵa deıin ol káris Ip-Sae Bae men qytaılyq ıAn Hongty joldan taıdyrsa, fınaldyq básekede mońǵol ókili Odanchımeg Badrakhtyń esin jıdyrmady. Bul Gýzel Manıýrovanyń qatarynan ekinshi márte Azııanyń úzdigi atanýy.
