Áıelder kúresinen Býdapeshtegi Álem chempıonatynan Qazaqstan quramasy jalǵyz qolamen oralatyn boldy
ALMATY. 21 qyrkúıek. QazAqparat - Vengrııanyń Býdapesht qalasynda kúres túrlerinen ótip jatqan Álem chempıonatynda erkin kúresshiler qur qol qaıtatyn bolsa, áıelder quramasy Ekaterına Larıonovanyń (63 kg) qolasyn qanaǵat tutatyn boldy.
Keshe áıelder kúresinen eń sońǵy bop baq synaǵan Elmıra Syzdykova (67 kg) men Gýzel Manıýrova (72 kg) komanda qorjynyna olja sala almady. Sondaı-aq grek-rım sheberlerinen birinshi bop jarys jolyna shyqqan Nursultan Qalmyrzaev ta (55 kg) júldeli orynnan tys qaldy. Búgin endi Almat Kebispaev (60 kg), Nursultan Tursynov (84 kg), Erulan Iskakov (96 kg) óz beldesýlerin ótkizip jatyr. Al erteń chempıonattyń sońǵy kúni óz salmaq dárejeleri boıynsha Erbol Qonyratov (66 kg), Ashat Dilmuhamedov (74 kg), Nurmahan Tynalıev (120 kg) el úmitin aqtaýǵa tyrysady.
Buǵan deıin áıelder kúresinen 2012 jyl Kanadada ótken Álem chempıonatynda Gýzel Manıýrova kúmis júldeger atansa, 2011 jyly Túrkııada bolǵan Álem chempıonatynda erkin kúresshiler 2 qola medal, al grek-rım kúresshileri 1 kúmis, 1 qola medal oljalaǵan bolatyn.
