Áıelder kúresinen Azııa chempıonatynda elimizdiń qorjynyna taǵy «qola» tústi
ASTANA. QazAqparat - Búgin Astana qalasynda ótip jatqan áıelder kúresinen Azııa chempıonatynda qazaqstandyq Elena Shalygına (68 keli) qola júldeger atandy, dep habarlaıdy QazAqparat tilshisi.
Qazaqstandyq balýan alǵashqy beldesýinde túrikmenstandyq Ogýlıan Egemberdıevany jeńse, shırek fınalda qyrǵyzstandyq Meerım Jýmanazarovaǵa ese jiberdi.
Elena Shalygına 3-oryn úshin saıysta taǵy Meerım Jýmanazarovamen kezdesti. Ol jartylaı fınalda japonııalyq Amı Isııge ese jiberip qoıǵan edi.
Qazaqstandyq balýan qarsylasynyń osal tusyn tapty. Osylaısha ol qurlyqtyq dodada úshinshi oryn aldy.
Eske salsaq, buǵan deıin el quramasynan Marına Sedneva (55 keli) 3-oryn úshin saıysta Ngýen Tı Maı Trangty jeńip, qola júlde aldy.
Endi el quramasynan Elmıra Syzdyqova (76 keli) fınalda beldesedi.
Al Dıana Kaıýmova (59 keli) qola júlde úshin saıysta qyrǵyzstandyq Kalmıra Bılımbekqyzynan jeńilip qaldy.
