Áıelder kúresinen Aıdana Óteǵulova Azııa chempıonatynyń shırek fınalyna shyqty
ALMATY. 1 maýsym. QazAqparat - Almatyda ótip jatqan jastar arasyndaǵy Azııa chempıonatynda áıelder kúresinen Qazaqstan quramasy 2 salmaq dárejesinde júldeden syrt qaldy.
Atap aıtqanda Gúlmaral Erkebaeva (67 kg) irikteý synynda qytaılyq Jıngnıng Lıge utylsa, Aımangúl Tóleýhan (51 kg) shırek fınalda japondyq Iý Maıahraǵa ese jiberdi. Al eń jeńil salmaqta baq synaıtyn Aıdana Óteǵulova taıpeılik Ýen-Lıng Lony 5:0 oısyra utyp, shırek fınalǵa ótti. Endi búgin 59 kelidegi medaldar toptamasyn sarapqa salý synynda Aıaýlym Qasymova da óz baǵyn synap kórmek. Bolat Nurmaǵambetovtiń ózge shákirtterinen Krıstına ıAlovenko (48 kg), ıÝlııa Odınenko (55 kg), Ekaterına Larıonova (63 kg) jáne Elmıra Syzdyqova (72 kg) óz beldesýlerin erteń ótkizetin bolady.
