Áıelder kúresinen Álem kýbogynda Qazaqstan quramasy 7-oryn aldy
ALMATY. 7 naýryz. QazAqparat /Erlik Erjanuly/ - Naýryzdyń 5-6 kúnderi Frantsııanyń Levın qalasynda áıelder kúresinen Álem kýbogynyń jarysy ótti.
Onda úzdik úshtikke Qytaı, AQSh jáne Japonııa quramalary endi. Odan keıingi oryndardy Kanada, Mońǵolııa, Reseı, Qazaqstan jáne Frantsııa balýandary ózara bólisti.
Qazaqstan quramasy jarystyń alǵashqy kúni Reseı (4:3), men AQSh ( 6:1) quramalaryna ese jiberip, kanadalyqtardan ǵana (5:2) basym tústi. Al keshe óz tobynda barlyq beldesýde jeńilis tapqan jarys qojaıyndarymen 7-oryn úshin bolǵan saıysta ózderiniń ekinshi jeńisine qol jetkizdi. Onda el namysyn Juldyz Eshimova (48 kg), Zýlfııa ıAhıarova, Gúlmıra Ysqaqova (51 kg), Aıym Ábildına (55 kg), Olga Kalınına (59 kg), Tatıana Zaharova (63 kg), Elmıra Syzdyqova, Elena Shalygına (67 kg), Gıýzel Manıýrova, Olga Jánibekova (72 kg) qorǵaǵan bolatyn.
