Áıelder kúresinen álem chempıonatynyń júldegerleri marapattaldy
ASTANA. QazAqparat - Áıelder kúresinen 23 jasqa deıingiler arasyndaǵy álem chempıonatynda júldeger atanǵan qazaqstandyq úsh balýandy Qazaqstan Ulttyq Olımpıadalyq komıteti marapattady, dep habarlaıdy Olympic.kz.
Rýmynııanyń Býharest qalasynda ótken álemdik dodada Marııa Sedneva, Jámıla Baqbergenova jáne Gúlmaral Erkebaeva qola medalǵa qol jetkizgen bolatyn.
"Jańa jyl merekesinde syıaqy berip, bizdi nazardan tys qaldyrmaǵany qýantady. Óte qýanyshtymyz. Bizge erekshe kóńil bólip, qoldaý kórsetken basshylyqqa, bapkerlerge, Ulttyq olımpıadalyq komıtetke kóp rahmet!", - deıdi Jámıla Baqbergenova.
