Áıelder kúresi: Azııa chempıonatynda úsh balýanymyz jartylaı fınalǵa shyqty
ASTANA. KAZINFORM - Áıelder kúresinen ekinshi jarys kúninde qazaqstandyq úsh balýan Azııa chempıonatynyń jartylaı fınalyna shyqty.
El quramasynan Laýra Almaǵanbetova (57 keli) Azııa chempıonatyndaǵy alǵashqy beldesýinde ońtústik koreıalyq sportshyny taza jeńdi. Laýranyń kelesi qarsylasy - Japonııa sportshysy.
Sondaı-aq, qazaqstandyq Irına Kazıýlına (65 keli) shırek fınalda ol ózbekstandyq Dınora Rýstamovany 4:3 esebimen utty.
Al Anastasııa Panasovıch (72 keli) shırek fınalda Chjı Son Lıdi 3:2 esebimen jeńip, jartylaı fınalǵa joldmaǵa ıe boldy.
Qazirge deıin el quramasynan Aıajan Marqasheva (53 keli), Tynys Dýbek (62 keli) alǵashqy beldesýinde jeńildi.
Aıta ketsek, áıelder kúresinen 13 sáýirde Dıana Kaıýmova (59 keli) men Elmıra Syzdykova (76 keli) qola medal aldy.
Al erkin kúresten el qorjynyna 1 altyn, 2 kúmis, 1 qola medal aldy.
