Áıelder kúresi: Aısha Ábdimálik U17 álem chempıonatynyń altyn júldesine talasady
ASTANA. KAZINFORM — Áıelder kúresinen Qazaqstan quramasynyń ókili Aısha Ábdimálik Ázerbaıjannyń Baký qalasynda ótip jatqan U17 álem chempıonatynda altyn medal úshin talasady.
Sportshy 65 kelige deıingi salmaq dárejesinde álem chempıonatynyń fınalyna joldama aldy. Jartylaı fınalda qazaqstandyq balýan grekııalyq Vasılıkı Karavanýdy senimdi túrde jeńdi.
Aıshanyń kelesi qarsylasy — Arıýnýl Boldbaatar (Mońǵolııa).
Aıta keteıik, 49 kelige deıingi salmaqta Aıanat Meınambaı qola júlde úshin kúresedi. Onyń qarsylasy jubanysh kezeńindegi kezdesýlerden keıin anyqtalady.
Eske salaıyq, buǵan deıin qazaqstandyq sportshylar para oq atýdan álem kýbogynda 4 medal enshilegenin jazǵanbyz.
