Áıelder kúni jáne Naýryz merekesine oraı qosymsha poıyzdar júredi - QTJ

ASTANA. QazAqparat - Halyqaralyq áıelder kúni jáne Naýryz merekelerinde jolaýshy tasymalyna degen suranystyń kúrt artýyna baılanysty qosymsha poıyzdar júredi, dep habarlaıdy QazAqparat «QTJ-Jolaýshy tasymaly» AQ baspasóz qyzmetine silteme jasap.

«Tulpar Talgo» vagondarynan quralǵan «Astana-1 - Almaty-2» baǵdarynyń poıyzy 2018 jylǵy 11, 13, 15, 17, 19, 21, 23 jáne 25 naýryz kúnderi, al keri baǵdarmen 2018jyldyń 12, 14, 16, 18, 20, 22 jáne 24 naýryzy kúnderi júredi.

«Mańǵystaý - Qulsary» poıyzy Mańǵystaýdan 2018 jylǵy 19 naýryzdan 7 sáýirge deıin taq kúnderi, al Qulsarydan 2018 jylǵy 20 naýryzdan 8 sáýirge deıin jup kúnderi qatynaıdy.

Eske sala keteıik, aǵymdaǵy jyly naýryz aıynda 11 qosymsha poıyz relske qoıylǵan bolatyn. Sondaı-aq mereke kúnderi suranys kóp baǵdarlar boıynsha 600-den astam tirkemeli vagondar engizý josparlanyp otyr.

Jolaýshylardan óz saparyn erterek josparlaýyn, ınternet-portaldardan, kassa jáne termınaldardan bılet alýyn suraımyz.

Qosymsha aqparat alý úshin temirjol vokzaldarynyń anyqtama bólimine nemese «105» biryńǵaı anyqtama qyzmetine habarlasýǵa bolady.