Áıelder kóshbasshylyǵyn damytý mektebin qalyptastyrý jobasyn júzege asyrýdyń alǵashqy qadamy jasaldy
Búgin Astanada «Azamattyq qoǵam qalyptastyrýdaǵy áıelder róli» taqyrybyndaǵy dóńgelek ústel ótip jatyr. Atalmysh shara áıelder kóshbasshylyǵyn damytý mektebin qalyptastyrý jobasyn júzege asyrýdyń bastamasy boldy.
Joba sheńberinde áıelderge arnalǵan tegin áleýmettik-psıhologııalyq qyzmetti uıymdastyrý, áıelderdiń kóshbasshylyq qasıetterin damytýǵa arnalǵan semınar-trenıngter ótkizýmen qatar bilim berý mekemelerinde arnaıy dárister uıymdastyrý kózdelgen.
Dóńgelek ústel barysynda áıelderdiń kóshbasshylyq mektebin uıymdastyrý isine qatysty usynystar ortaǵa salynyp, sarapshylar pikirleri talqylandy.
«Qyz-kelinshekterdiń qoǵamdyq belsendiligi óte joǵary, ol mektep, ýnıversıtet qabyrǵalarynan-aq aıqyn kórinis bere bastaıdy. Kásipodaqqa basshylyq etetin tulǵalardyń basym kópshiligi de - áıelder. Degenmen qazirgi tańda joǵary qurylymdar deńgeıindegi áıelderdiń kóshbasshylyǵyn qoldaý máselesin júıeli sheshý qajet. Osy oraıda arnaıy mektep qurý tájirıbe almasý men áıelderdiń kóshbasshylyq qasıetterin damytýdyń ári oǵan qoldaý kórsetýdiń bastamasy bolmaq», - dedi Astana qalasy «Ádilet» Bilim qyzmetkerleri kásipodaǵynyń tóraıymy Balsulý Naýryzbaeva óz sózinde.
Sharaǵa «Astana qalasy ishki saıasat basqarmasy» memlekettik mekemesiniń ókilderi, halyqaralyq uıymdar men qoǵamdyq birlestikterdiń ókilderi qatysty.
