Áıelder kolonııasynda sottalǵandardyń balalary úshin merekelik shara uıymdastyryldy
ASTANA. QazAqparat - Almaty oblysy Jaýǵashty kentindegi LA-155/4 áıelderdiń túzetý mekemesinde sottalǵan áıelderdiń túrmede dúnıege kelgen balalary men balalar úıindegi balalary úshin merekelik shara uıymdastyryldy. Bul týraly Almaty qalasy men Almaty oblysy boıynsha QAJ departamentinen habarlady.
«Halyqaralyq balalar kúni qarsańynda merekelik shara uıymdastyrý dástúrge aınaldy. Bul joly «Jartas Qazaqstan» jáne «Jeti Aǵash» qoǵamdyq qorlary balalarǵa merekelik shara uıymdastyryp qana qoımaı, túrli syılyqtar tartý etti», - dep atap ótti LA-155/4 túzetý mekemesiniń tárbıe bóliminiń bastyǵy Vıtalıı Şýkın. «Sharaǵa kolonııada dúnıege kelgen úsh jasqa deıingi 30 baldyrǵan men Almaty qalasy jáne Almaty oblysyndaǵy balalar úılerindegi sottalǵandardyń besten 13 jasqa deıingi 10 balasy qatysty», - dep qosty V. Şýkın.
