Áıelder kolonııasynda balalarǵa jańa jyl merekesi uıymdastyryldy
ALMATY. QazAqparat – Medıtsınalyq saqtandyrý qorynyń qyzmetkerleri Jaýǵashty aýylyndaǵy LA-155/4 áıelderdiń túzetý mekemesinde jazasyn ótep jatqan áıelderdiń balalaryna merekelik shara uıymdastyrdy, dep habarlaıdy QazAqparat tilshisi MSQ baspasóz qyzmetine silteme jasap.
Jaýǵashty aýylyndaǵy kolonııa Sábıler úıi bar birden-bir túzeý mekemesi. Sondyqtan taǵdyr tálkegine túsip, isti bolǵan, kishkentaı balasy bar áıelder osynda jóneltiledi. Túrme basshylyǵynyń aıtýynsha, sot júıesiniń izgilendirilýine baılanysty sońǵy jyldary olardyń kóbi bostandyqqa ýaqytynan buryn shyǵýǵa múmkindik alyp otyr.
Búgingi kúni túrme janyndaǵy Sábıler úıinde 3 jasqa deıingi 19 bala tárbıelenip jatyr. Analarǵa ýaqytynyń basym bóligin balanyń qasynda ótkizýge ruqsat etilgen.
Jańa jyl qarsańynda Medıtsınalyq saqtandyrý qorynyń Almaty fılıaly qyzmetkerleri balalarǵa umytylmas mereke syılady.
Balalar shyrsha toıyna tyńǵylyqty daıyndalypty. Sheber áıelder búldirshinderge jańa jyldyq kostıýmder tikse, balalar qonaqtarǵa jańa jyldyq taqpaqtaryn aıtyp berdi. Qor ókilderi ákelgen oıynshyqtar men táttiler balalarǵa tamasha kóńil-kúı syılady.
Fılıal dırektorynyń orynbasary Janar Kenjebaevanyń sózine súıensek, qaıyrymdylyq sharalarynyń kolonııada tárbıelenip jatqan balalar úshin mańyzy zor.
«Mundaı aktsııalar túrmede turatyn balalardyń psıhıkalyq kóńil-kúıine, emotsıonaldyq jaǵdaıyna oń yqpal etedi. Sol sebepti osyndaı sharalardy múmkindiginshe kóbirek ótkizý qajet. Biz búldirshinderge osyndaı mereke syılaǵanymyzǵa qýanyshtymyz. Óıtkeni, jańa jyldy balalar asyǵa kútedi» - dedi Janar Kenjebaeva.
