Áıelder qaýymy barlyq salanyń damýyna eleýli úles qosyp keledi - Oljas Bektenov

ASTANA. KAZINFORM – Premer-Mınıstr Oljas Bektenov áıelder qaýymyn 8 Naýryz – Halyqaralyq áıelder kúnimen quttyqtady. Bul týraly Úkimettiń baspasóz qyzmeti jazdy. 

Aıaýly analar! Qymbatty arýlar! Sizderdi 8 naýryz – Halyqaralyq áıelder kúni merekesimen shyn júrekten quttyqtaımyn. 

Áıel otbasynyń berekesi ǵana emes, ol – barsha tirshilik ataýlynyń tiregi. Halqymyz aq jaýlyqty analarymyz ben súıikti arýlarymyzdy «aq besiktiń ıesi, shańyraqtyń kıesi» dep árkez aıalap ótken. Rýhy myqty, bilimdi, eńbekqor ulttyń bolashaǵy da, birinshi kezekte kıeli Ana atymen tikeleı baılanysty.

Búginde áıelder qaýymy kemel urpaq tárbıelep, otbasylyq qundylyqtardy ulyqtaýmen birge, ekonomıkanyń barlyq salasynyń damýyna da eleýli úles qosyp keledi. Endeshe, eńseli eldigimizdi terbetip, jankeshti eńbektiń úlgisin kórsetip otyrǵan analarymyzǵa taǵzym etý bizdiń bárimizdiń qasterli paryzymyz bolyp qala bermek.

Іzgilik pen ásemdiktiń bereke-bastaýy bolǵan osynaý shýaqty mereke barshańyzdyń júrekterińizge jylý syılasyn.

Sizderge zor densaýlyq, otbasylaryńyzǵa baqyt, eńbekterińizge tolaıym tabys tileımin.

Merekelerińiz qutty bolsyn!