Áıelder isteri jónindegi ulttyq komıssııada balalaryn uryp-soqqan ákeniń isi qaraldy
TÚRKІSTAN. QazAqparat - Túrkistan oblysynyń Qazyǵurt aýdanyndaǵy balalardy uryp-soǵý jaǵdaıy Lázzat Ramazanovanyń basshylyǵymen ótken Áıelder isteri jáne otbasylyq-demografııalyq saıasat jónindegi ulttyq komıssııanyń jedel onlaın-keńesinde qaraldy.
2020 jylǵy 6 qazanda Qazaqstan Respýblıkasy Prezıdenti janyndaǵy Áıelder isteri jáne otbasylyq-demografııalyq saıasat jónindegi Ulttyq komıssııanyń tóraıymy Lázzat Ramazanovanyń basshylyǵymen Túrkistan oblysy ákimi janyndaǵy Áıelder isteri jáne otbasylyq-demografııalyq saıasat jónindegi oblystyq komıssııa músheleriniń jáne óńirlik úkimettik emes uıymdar ókilderiniń qatysýymen jedel onlaın-keńes ótkizildi.
Oblys ákiminiń orynbasary Sáken Qalqamanov óńirde áıelderge qatysty turmystyq zorlyq-zombylyq faktileriniń 2019 jyly 29,6% - ǵa, balalarǵa qatysty 7,4% - ǵa tómendegenin atap ótti.
Qazyǵurt aýdanyndaǵy sońǵy oqıǵa áleýmettik jelilerge monıtorıng júrgizý barysynda ǵana anyqtaldy, degenmen buryn áıel polıtsııaǵa agressıvti jubaıyna shaǵymdanǵan bolatyn.
«Er adam ustalyp, qamaýda, psıhologtar men áleýmettik qyzmetkerler áıelmen jáne balalarmen jumys isteýde. Sonymen qatar, ýchaskelik ınspektordyń ótinish boıynsha ýaqytyly jumys júrgizbeýi boıynsha tekserý taǵaıyndaldy», - dep atap ótti Sáken Qalqamanov.
Lázzat Ramazanova qazirgi ýaqytta kópshilik aldynda mundaı faktilerdiń jarııalanýy turmystyq zorlyq-zombylyq qurbandary úshin máseleni sheshýdiń sońǵy múmkindigi jáne qoǵamda osyndaı faktilerge «nóldik tózimdilikti» qalyptastyrýǵa múmkindik beretinin atap ótti. Memlekettik organdardyń mindeti - aldyn-ala jumys isteý. Ol úshin Ulttyq komıssııa Túrkistan oblysynda «Otbasyndaǵy zorlyq-zombylyqsyz Qazaqstan» pılottyq jobasyn iske asyrýdy bastaǵan edi.
Joba aıasynda oblysta Otbasy isteri jónindegi basqarma jáne 15 aýdanda Áleýmettik-psıhologııalyq súıemeldeý qyzmeti quryldy. Biraq ákimdik óz sheshimimen oblysta bul jobany júzege asyrýdy toqtatyp, basqarmany jaýyp tastady. Sondaı-aq, pılottyq joba boıynsha ár aýdanda turmystyq zorlyq-zombylyq qurbandary úshin «daǵdarys oryndary» qurylady dep josparlanǵan bolatyn, biraq bul másele de sheshimin tapqan joq.
«Búgin biz áıelder men balalar quqyǵyn qorǵaý máselesin sheshýde barlyq quzyrly organdardyń ózara úılestirý jumysynyń qajettiligin aıtyp otyrmyz. Kópbalaly analar men zorlyq-zombylyq qurbandary memlekettik qyzmetshiler men polıtsııanyń artynan júgirmeýi, túrli qurylymdardan qoldaý izdemeýi tıis. Máselege jedel jaýap bere alatyn, eń bastysy aldyn alý úshin jumys júrgize alatyn biryńǵaı júıe qajet. Bul másele sheshilmese, biz osyndaı faktiler týraly tek áleýmettik jelilerden biletin bolamyz», - dep atap ótti Lázzat Ramazanova.
Qazirgi kezde Parlament depýtattary otbasylyq-turmystyq zorlyq-zombylyqqa qarsy is-qımyl týraly zań jobalaryna bastama jasady, olardyń negizine Ulttyq komıssııa iske asyryp otyrǵan «Otbasyndaǵy zorlyq-zombylyqsyz Qazaqstan» jobasynyń tetikteri salynǵan.
Sondaı-aq, jedel otyrysta Túrkistan oblysyndaǵy otbasylyq jáne genderlik saıasatty iske asyrý máseleleri, tujyrymdamada bekitilgen nysanaly ındıkatorlarǵa qol jetkizý boıynsha nátıjeler, áıelder kásipkerligin qoldaý máseleleri qaraldy.
Túrkistan oblysynda bıliktiń atqarýshy jáne ókildi organdarynda sheshim qabyldaý deńgeıindegi áıelderdiń úlesi - 22,5%. Sonymen qatar, Nur Otan partııasynyń praımerızine oblystan 353 áıel qatysty.
Lázzat Ramazanova túrli salalarda eńbek etetin áıelderge, onyń ishinde praımerızge qatysqan áıelderge jan-jaqty qoldaý kórsetýdiń mańyzdylyǵyn atap ótti. Sondaı-aq, osy jumystyń úılestirýshileri bolatyn óńirlik komıssııalardyń qyzmetin jandandyrý qajettiligi atap ótildi.
Otyrys sońynda Túrkistan oblysynyń áıelder isteri jáne otbasylyq-demografııalyq saıasat jónindegi óńirlik komıssııasyna birqatar naqty usynystar berildi.
