Áıelder isteri jáne otbasylyq-demografııalyq saıasat jónindegi ulttyq komıssııanyń tóraıymy eki orynbasaryn tanystyrdy

ASTANA. QazAqparat - Búgin QR Memlekettik hatshysy, QR Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraıymy G.N.Ábdiqalyqovanyń tóraǵalyǵymen selektorlyq rejimde Astana, Almaty qalalary men oblys ákimderiniń orynbasarlary, ákimder janyndaǵy áıelder isteri jáne otbasylyq-demografııalyq saıasat jónindegi komıssııa tóraǵalarynyń qatysýymen keńes ótti. Bul týraly Ulttyq komıssııa hatshylyǵynan habarlady.

Gúlshara Ábdiqalyqova keńeske qatysýshylarǵa Ulttyq komıssııa tóraıymynyń eki orynbasary - Parlament Májilisiniń depýtaty E.I.Tarasenkony; Ortalyq saılaý komıssııasynyń múshesi L.J.Súleımendi tanystyrdy.

G.N. Ábdiqalyqova Ulttyq komıssııa aǵymdaǵy jylǵy jumysyn óńirlik damýǵa barynsha ekpin salatynyn atap ótti. Ulttyq komıssııa men óńirlik komıssııalardyń aldynda úılesimdi ári sapaly birlesken jumysty talap etetin mańyzy zor mindetter tur.

Jıynda Ulttyq komıssııa tóraıymynyń orynbasarlary sóz sóılep, úılestiretin baǵyttary boıynsha ózekti mindetterge toqtaldy.