Áıelder isteri jáne otbasylyq-demografııalyq saıasat jónindegi ulttyq komıssııanyń resmı saıty ashyldy
ASTANA. Jeltoqsannyń 20-sy. QazAqparat /Marlan Jıembaı/ - Búgin QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń resmı saıtynyń tusaýkeser rásimi ótti,
dep habarlady QazAqparat.
Komıssııanyń www.ncgp.kz veb-portalynan elimizdegi genderlik teńdiktiń damýyna qatysty tolyq aqparattardy, sonymen qatar atalǵan vedomstvonyń qyzmetine, laýazymdy tulǵalaryna qatysty materıaldardy alýǵa bolady.
Ulttyq komıssııa hatshylyǵynyń meńgerýshisi Serik Ahmetovtiń aıtýynsha, qazirgi ýaqytta qazaq, orys jáne aǵylshyn tilderinde jumys isteıtin saıt qajetti aqparattarmen tolyqtyrylý ústinde. Sondaı-aq keri baılanys pen ınfografıka jasaý da kózdelip otyr.
«Bul saıtty ashýdaǵy negizgi maqsat - qoǵamdy genderlik máselege qatysty jaıttarmen aqparattandyrý jáne eń ózekti máseleler boıynsha suhbat alańyn qurý», dedi óz sózinde S.Ahmetov.
Onyń aıtýynsha, saıtty ashý qoǵamnyń suranysyna, Ulttyq komıssııa qyzmetiniń turaqty damýyna jáne zańnamalyq bazanyń keńeıýýine tikeleı baılanysty.
