Áıelder isi jónindegi ulttyq komıssııanyń quramy jańartyldy
QR Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraıymy Lazzat Ramazanova barlyq deńgeılerde otbasy ınstıtýtyn nyǵaıtý máseleleri boıynsha tıimdi ózara is-qımyldy qalyptastyrýdyń mańyzdylyǵyn, sondaı-aq azamattyq qoǵammen tyǵyz ózara is-qımyldyń qajettigin atap ótti.
«Otbasylyq jáne genderlik saıasat tujyrymdamasynda qoıylǵan maqsattar men mindetterge qol jetkizý úshin jaýapkershilik óńirlerdiń ákimderine júktelýi tıis. Bul baǵyttaǵy jumys naqty júrgizilý qajet. Otbasy ınstıtýtyn nyǵaıtý máselesi Memleket basshysynyń nazarynda», - dep atap ótti Lazzat Ramazanova.
Ulttyq komıssııanyń quramyn nyǵaıtý maqsatynda Prezıdenttiń 2021 jylǵy 19 naýryzdaǵy №536 Jarlyǵymen onyń quramyna jańa músheler - azamattyq qoǵam men kvazımemlekettik sektordyń belsendi ókilderi engizildi. Olar: «Ákeler Odaǵy» qoǵamdyq birlestikteriniń jetekshisi M.Aıtmaǵanbet jáne «Talbesik» kóp balaly analar Odaǵynyń» jetekshisi L.Qojahmetova, Ulttyq kooperatıvter qaýymdastyǵynyń prezıdenti Q.Shaıh, Qazaqstannyń batys oblystaryndaǵy «ORTAQ» óńirlik áıelder bastamalary Alıansynyń tóraıymy S.Salıhova, jýrnalıst D.Muqaev, «Damý» kásipkerlikti damytý qory» AQ Basqarma tóraıymy G. Bóribaeva, «KAZENERGY» Qazaqstan munaı-gaz jáne energetıka kesheni uıymdary qaýymdastyǵynyń atqarýshy dırektory L.Ahmýrzına, «Qazposhta» AQ Qyzylorda oblystyq fılıalynyń dırektory A.Ábıbýllaeva. QR Prezıdentiniń Keńesshisi M.Ákimjanova jáne qoǵam qaıratkeri S.Tursynbekova Ulttyq komıssııa tóraǵasynyń orynbasarlary retinde usynyldy.
Otyrysta Aqparat jáne qoǵamdyq damý mınıstrliginiń Qazaqstan Respýblıkasyndaǵy 2030 jylǵa deıingi otbasylyq jáne genderlik saıasat tujyrymdamasyn iske asyrý jónindegi is–sharalar josparynyń ekinshi kezeńiniń oryndalý barysy týraly aqparaty tyńdaldy, sondaı-aq «Qazaqstandyq otbasylar-2020» ulttyq baıandamasy tanystyryldy.
Memlekettik otbasylyq jáne genderlik saıasatty iske asyrýǵa baǵyttalǵan memlekettik áleýmettik tapsyrysty oryndaý týraly máseleler talqylandy. Lázzat Ramazanova granttyq qarjylandyrý aıasynda júzege asyrylyp jatqan jobalardy josparlaý tásilderin muqııat qaraýdy usyndy.
Óńirlerde 31 «Januıa», «Baqytty otbasy» otbasyn qoldaý ortalyqtarynyń qyzmetteri uıymdastyrylǵan. Ortalyqtar zańgerlik, bilim berý, densaýlyq saqtaý, áleýmettik qorǵaý, jumyspen qamtý jáne t.b. máseleler boıynsha keńes berý qyzmetteri kórsetiledi.
Áke ınstıtýtyn damytý maqsatynda balalar men jastardy tárbıeleýde mańyzdy ról atqaratyn ákeler qozǵalysy belsendi damyp keledi. Búgingi tańda «Ákeler Odaǵy» RQB-niń 8 fılıaly Almaty qalasynda, Aqtóbe, Atyraý, Jambyl, Batys Qazaqstan, Qaraǵandy, Qostanaı jáne Qyzylorda oblystarynda jumys isteıdi. Bul baǵytta ıÝNFPA halyqaralyq uıymymen birqatar birlesken jobalar iske asyrylýda.
Otyrys qorytyndysy boıynsha ortalyq memlekettik jáne jergilikti atqarýshy organdarǵa birqatar usynystar berildi.
