Áıelder fýtbolynda ulttyq quramanyń bas bapkeri aýysty
ALMATY. 6 aqpan. QazAqparat /Erlik Erjanuly/ - Áıelder fýtbolynda ulttyq quramanyń bas bapkeri bolyp Evgenııı Pýsıkovtyń ornyna Andreı Vaganov taǵaıyndaldy.
Qazaqstan fýtbol flderatsııasynyń ınternet-saıtyndaǵy aqparatqa qaraǵanda, qazaqstandyq bul mamannyń «V» dárejesindegi bapkerlik lıtsenzııasy bar.
1968 jyly Shymkent qalasynda ómirge kelgen Andreı Volgograd dene shynyqtyrý ıntıtýtynyń túlegi. Úlken fýtboldaǵy alǵashqy qadamyn 1986 jyly Shymkenttiń «Melıorator» komandasynda bastaǵan ol 1988-90 jyldary Chehoslavkııada «Sportrota» Ortalyq áskerler toby quramasynda oınaıdy. Sondaı-aq 1989 jyly «Melıorator» (Shymkent), 1990 jyly «Qaırat» (Almaty), 1991-1992 jyldary «Melıorator», 1993 jyly «Krıvbass» (Krıvoı Rog, Ýkraına), 1994-1996 jyldary «Jiger» (Shymkent), 1997 jyly «Taraz», 1998 jyly «Qaısar» (Kyzylorda), 1999-2000 jyldary «Sıntez» (Shymkent), 2001-02 jyldary «Jetisý» (Taldyqorgan), 2003-2004 jyldary «Ordabasy» (Shymkent) komandalarynda da óner kórsetip, 1997-1998 jyldary QR Ulttyq quramasyna shaqyrylady. Sondaı-aq 2005-2006 jyldary ózi týyp ósken qalanyń «Ordabasy» komandasynda bas bapker, 2007-08 jyldary qosalqy quramda, al 2009-2010 jyldary 1993 jyly týǵan jasóspirimder tobynda jattyqtyrýshy bolyp qyzmet atqardy.
