Áıelder fýtbolynan álem chempıony anyqtaldy
ASTANA. QazAqparat - AQSh komandasy áıelder arasyndaǵy fýtboldan álem chempıony atandy. Kanadanyń Vankýver qalasynda ótken fınaldyq oıynda amerıkalyqtar 5:2 esebimen Japonııa quramasyn jeńdi, dep jazady sheteldik BAQ.
Qurama shtat fýtbolshylary qarsylastarynyń qaqpasyna oıynnyń alǵashqy 15-mınýtynda tórt goldy qatarynan kirgizdi.
Bul álemdik birinshilik tarıhynda AQSh áıelder quramasynyń úshinshi, 1999 jyldan bastap birinshi jeńisi.
Áıelder arasyndaǵy fýtbol boıynsha alǵashqy álem chempıonaty 1991 jyly ótken, sodan beri 4 jylda bir ret ótkizilip keledi.
