Áıelder erlerge qaraǵanda qaterli isikke jıi shaldyǵady – Erbol Bekmuhambetov

ASTANA. KAZINFORM – Jyl saıyn elimizde 41 myńnan astam adamǵa onkologııalyq aýrýlar dıagnozy qoıylady. Bul týraly Qazaq onkologııa jáne radıologııa ǵylymı-zertteý ınstıtýtynyń basqarma tóraǵasy Erbol Bekmuhambetov aıtty.

- Búgingi tańda qaterli isik aýrýlarymen naýqastanǵan 236 myńnan astam patsıent dınamıkalyq baqylaýda. Jyl saıyn 41 myńnan astam naýqasqa onkologııalyq aýrýlar dıagnozy qoıylyp, onkologııalyq naýqastardyń sany 5-6 paıyzǵa ósedi. Jalpy, syrqattanýshylyqtyń ósýi baıqalady. Qaterli isik aýrýynyń ósýi - bul álemdik tendentsııa. Onyń bir sebebi – halyqtyń qartaıýy. Sonymen qatar qazirgi órkenıettiń kóptegen faktorynyń áseri. ıAǵnı dene qozǵalysy belsendiliginiń tómendigi, durys tamaqtanbaý, genetıkalyq jáne somatıkalyq mýtatsııalardy júzege asyrý, - dedi ol Ortalyq kommýnıkatsııalar qyzmetindegi brıfıngte.

Onyń dereginshe, onkologııalyq aýrýlardyń ósýi aıasynda ólim-jitimniń turaqty tómendegeni baıqalady. Sońǵy 10 jylda qaterli isikten bolatyn ólim-jitim 33 paıyzǵa tómendep, 100 myń turǵynǵa shaqqanda 63 jaǵdaı tirkeldi.

- Áıelder erlerge qaraǵanda qaterli isikke jıi shaldyǵady. Áıelderdiń qaterli isiginiń keń taraǵan túrleri – sút bezi qaterli isigi, jatyr moıny qaterli isigi. Alaıda, qaıtys bolǵandardyń 53 paıyzy – ókpe men asqazan qaterli isigine shaldyǵatyn er adamdar. Bul aýrýlardyń ólim-jitim deńgeıi joǵary. Eger Qazaqstandaǵy onkologııalyq aýrýlardyń taralýyn basqa eldermen, mysaly, Ekonomıkalyq yntymaqtastyq jáne damý uıymy elderimen salystyratyn bolsaq, onda bizdiń elimizde onkologııalyq aýrýlarmen syrqattaný men ólim-jitim áldeqaıda tómen. Sonymen qatar, isikterdi kesh anyqtaý máselesi saqtalyp otyr. Bul erte dıagnostıka sharalaryn kúsheıtý qajettiligin kórsetedi, - dedi Erbol Bekmuhambetov.

Aıta keteıik, Qazaqstan azamattary onkologııalyq skrınıngtik zertteýlerden tegin ótedi.  Mundaı tekseris patsıenttiń tirkelgen jeri boıynsha medıtsınalyq-sanıtarııalyq alǵashqy kómek uıymdarynda júrgiziledi.