Áıelder boksynan jasóspirimder men jastar arasyndaǵy Álem chempıonatyn qazaqstandyqtar sátti bastady
ALMATY. 24 qyrkúıek. QazAqparat - Bolgarııanyń Albena qalasynda áıelder boksynan jasóspirimder men jastar arasyndaǵy Álem chempıonaty ótip jatyr.
Oǵan bıyl 30 elden - 149 bylǵary qolǵap sheberi jınalyp otyr. Keshe Nazerke Jurǵaraeva (46 kg) armenııalyq boksshyny, Balaýsa Muzdyman (54 kg) taıpeılikti, Nazym Ishshanova (57 kg) ýkraınalyq sportshyny, Baıan Aqbaeva (70 kg) Halyqaralyq áýesqoı boks qaýymdastyǵy (AІVA) usynǵan boksshy Gagandep Bhýllardy (Gagandeep Bhullar) 3:0 esebimen utty. Búgin endi Alýa Balyqbaeva (48 kg) mońǵolııalyq sportshymen, Madına Nurshaeva (64 kg) ázirbaıjandyqpen, Valentına Halzova (75 kg) germanııalyqpen, al Aqtolqyn Keńesbekova (57 kg) AІVA usynǵan Neelam Saınımen kúsh synasatyn bolady.
