Áıelder boksynan jasópirimder men jastar arasyndaǵy álem chempıonatynda qazaqstandyqtar 1 altyn, 6 kúmis, 9 qola medal oljalady
ALMATY. 30 qyrkúıek. QazAqparat - Bolgarııanyń Albena qalasynda áıelder boksynan 21-28 qyrkúıek kúnderi jasóspirimder men jastar arasyndaǵy álem chempıonaty ótti.
Onda jastar arasynda 28 eldiń jáne Halyqaralyq áýesqoı boks qaýymdastyǵy (AІVA atynan qatysqan) 149 boksshynyń arasynan qazaqstandyqtar 1 altyn, 1 kúmis, 3 qola medal oljalap komandalyq esepte úshishi oryn aldy. Atap aıtqanda Gaýhar Ermekbaı (69 kg) álem chempıony, Aıdana Arapbaeva kúmis jáne Alýa Barlyqbekova (48 kg), Valentına Halzova (75 kg), Anastasııa Rılına (81 kg) qola júldeger atandy. Al jastar arasynda 29 eldiń jáne AIVA atynan qatysqan 150 boksshynyń arasynan qazaqstandyqtar 10-oryn aldy. Aqtyq synǵa deıin súrinbeı jetken Nazerke Jurǵaraeva (46 kg), Ásel Asqarova (48 kg), Balaýsa Muzdyman (54 kg), Lıýbov Hassıeva (66 kg), Aqmaral Shamshıdenova (80 kg) álem chempıonatynyń kúmis júldegerleri atandy. Jartylaı fınalda jeńilis tapqan Áıgerim Oshaqbaı (52 kg), Nazym Ishjanova (57 kg), Ekaterına Anısımova (630 kg), Aıda Abyqaeva (63 kg), Baıan Aqbaeva (70 kg), Altyn Muqyshbekova (75 kg) qola júldeni qanaǵat tutty.
