Áıelder boksy: «Ulttar kýbogynda» baq synaıtyn sportshylar anyqtaldy
ASTANA. QazAqparat - 14-21 qańtar kúnderi Serbııanyń Sombor qalasynda áıelder boksynan «Ulttar kýbogy» halyqaralyq týrnıri ótedi, dep habarlaıdy Olympic.kz.
Serbııa tórindegi synǵa Qazaqstan áıelder quramasy da qatysady. Qazaqstan ulttyq quramasynyń bas bapkeri Vadım Prısıajnıýk jyldyń betashar jarysynda baq synaıtyn sportshylar tizimin jarııalady.
Olar: Áıgerim Qasenaeva (48 keli), Nazym Qyzaıbaı (51 keli), Angelına Lýkas (51 keli), Dına Jolaman (54 keli), Sánııa Sultanqyzy (57 keli), Rımma Volosenko (60 keli), Mılana Safronova (64 keli), Álııa Ábdiraıymova (64 keli) Aqerke Baqytjan (69 keli), Aıda Ońdash (75 keli), Lázzat Kúngeıbaeva (+81 keli).
Aıta ketken jón, "Ulttar kýbogy" Serbııada jyl saıyn uıymdastyrylady.
