Áıelder boksy: Polshada úsh otandasymyz fınalǵa shyqty
ASTANA. QazAqparat - Polshada bokstan áıelder arasynda ótip jatqan halyqaralyq týrnırde úsh qazaqstandyq boksshy fınalǵa shyqty, dep habarlaıdy QazAqparat tilshisi.
QR Boks federatsııasynyń baspasóz qyzmeti málim etkendeı, Polshada ótip jatqan áıelder arasyndaǵy halyqaralyq týrnırde Áıgerim Qasenaeva (48 keli), Jaına Shekerbekova (51 keli) men Lázzat Kúngeıbaeva (81 joǵary salmaq) altyn medal úshin sharshy alańǵa kóteriledi.
Áıgerim Qasenaeva (48 keli) 1/2 kezeńinde frantsııalyq Marı Konnannan basym tústi. Endi ol fınalda 5 dúrkin álem chempıony Merı Kommen (Úndistan) baq talastyrady.
Jaına Shekerbekova (51 keli) jartylaı fınalda taǵy bir úndi eliniń ókili Rıta Grevaldy tize búktirdi. Endi ol aqtyq kezdesýin jergilikti Sandra Darıbıkpen ótkizedi.
Al asa aýyr salmaqta (+81) el namysyn qorǵap jatqan Lázzat Kúngeıbaeva bolsa, Sılvııa Kýsıaktan (Polsha) aılasyn asyrdy. Esep - 5:0.
