Áıelder boksy: Polshada qazaqstandyq tórt arý chempıon atandy
ASTANA. QazAqparat - Polshada bokstan áıelder arasynda ótken halyqaralyq týrnırde tórt qazaqstandyq boksshy qyz chempıon atandy, dep habarlaıdy QazAqparat tilshisi.
QR Boks federatsııasynyń baspasóz qyzmeti málim etkendeı, Polshada ótken áıelder arasyndaǵy halyqaralyq týrnırde otandastarymyz 4 altyn, 2 kúmis jáne 3 qola medal jeńip aldy.
Sılezııa aımaǵynda ótken XII halyqaralyq týrnırdiń fınalynda 6 otandasymyz óner kórsetti. Olardyń ishinde Jaına Shekerbekova (51 keli), Karına Ibragımova (60 keli), Farıza Sholtaı (81 keli) men Lázzat Kúngeıbaeva (81+ keli) altyn alqa ıegerleri atandy. Áıgerim Qasenaeva (48 keli) men Madına Nurshaeva (64 keli) kúmis júldeni qanaǵat tutty. Sondaı-aq, Darıǵa Shakımova (75 keli), Mılana Safronova (64 keli) men Vladıslava Kýhta (57 keli) qola júldege qol jetkizdi.
Áıgerim Qasenaeva (48 keli) aqtyq kezdesýde 5 dúrkin álem chempıony Merı Komnan (Úndistan) utyldy. Esep 4:0.
Jaına Shekerbekova (51 keli) aqtyq synda jergilikti Sandra Drabıkti (Polsha) 4:1 esebimen tize búktirdi.
Karına Ibragımova (60 keli) fınalda reseılik Anastasııa Belıakovadan 4:1 esebimen basym tústi.
Madına Nurshaeva (64 keli) ókinishke oraı, ýkraınalyq Marııa Bovadan utyldy. Esep 4:1.
Farıza Sholtaı (81 keli) Agata Kachmarskıden (Polsha) aılasyn asyrdy.
Sońǵy bolyp rıngke kóterilgen jerlesimiz Lázzat Kúngeıbaeva fınalda reseılik Krıstına Tkachevany jeńdi. Esep 4:1.
Osylaısha bokstan Qazaqstannyń qyzdar qurama komandasy elimizge 9 medalmen oralady.
