Áıelder bizdiń qoǵamymyzdyń basty baılyǵy - N.Kalenderov
TARAZ. QazAqparat - Taraz qalalyq ákimdiginde Halyqaralyq áıelder kúni - 8 naýryz kúnimen áıelderdi quttyqtady.
«Jer ústindegi barlyq jaqsylyq áıelderden taralǵan, - dedi Taraz qalasynyń ákimi Nurjan Kalenderov. - Búginde áıelder otbasy qundylyqtarynyń uıtqysy ǵana emes, ómirdiń barlyq salasyndaǵy tabysty eńbekkerler. Áıelder mekteppterde balalardy oqytady, aýrýlardy emdeıdi, aýyl sharýashylyǵynda, ónerkásipte jumys isteıdi, kásiporyndardy basqarady, óz beınesterin belsendi damytyp keledi. Olar ózderiniń qajymas eńbegimen ómirdi jaqsarta túsýde. Áıelder - bizdiń qoǵamnyń basty baılyǵy!».
Taraz qalasy ákiminiń gramotalarymen marapattalǵandardyń arasynda eńbek ardagerleri, dárigerler, pedagogtar, polıtseıler, kásipkerler, jýrnalıster bar, olarǵa jyly shyraıly quttyqtaýlar aıtylyp, baǵaly syılyqtar tapsyryldy.
Statıstıka málimetteri boıynsha, búginde Qazaqstannyń basqa qalalaryna qaraǵanda Tarazda myń áıelge erlerdiń úles salmaǵy deńgeıi tómen (100 áıelge 869 er adamnan keledi). 2014 jylǵy málimet boıynsha, oblys ortalyǵy halqynyń sany 352,5 myń adamdy quraıdy.
