Áıelder basqaratyn shaǵyn jáne orta bıznes kórsetkishi boıynsha Qostanaı oblysy kósh bastap tur
ASTANA. QazAqparat - QR Ulttyq ekonomıka mınıstrligi Statıstıka komıtetiniń málimetine qaraǵanda, áıelder basqaratyn shaǵyn jáne orta bıznes sýbektileriniń úlesi boıynsha belsendilik elimizdiń on úsh óńirinde baıqalady. Atalǵan óńirlerde áıelder basqaratyn kásipkerlik deńgeıi ortadan joǵary mánge ıe.
Statıstıka komıtetiniń málimetine qaraǵanda, belsendi qyzmet etip jatqan shaǵyn jáne orta bıznes sýbektileriniń úlesi boıynsha Qostanaı oblysy kósh bastap tur, ondaǵy kórsetkish 48,2 paıyzdy quraıdy. Budan keıingi oryndarda Qaraǵandy oblysy - jalpy shaǵyn jáne orta kásipkerlik sanynyń 47,7 paıyzy jáne Pavlodar oblysy 46,1 paıyzyn quraıdy.
