Áıelder arasyndaǵy XVI Azııa chempıonatynda qazaqstandyqtar 9-oryn aldy
ALMATY. 23 qyrkúıek. QazAqparat /Erlik Erjanuly/ - Qytaıdyń Taıpeı qalasynda voleıboldan áıelder arasyndaǵy XVI Azııa chempıonatynyń aqtyq oıyndary ótip jatyr.
Baqytjan Baıtóreevtiń tálimgerleri keshe 9-oryn úshin ótken oıynda Avstralııa quramasyn 3:0 (26-24, 25-14, 25-23) esebimen oısyrata utty. Buǵan deıin olar 9-13 oryn úshin Shrı-Lanka men Indonezııa sportshylarymen bolǵan oıyndarda da osyndaı iri eseppen jeńiske jetken bolatyn. Qazir onda Azııa chempıonatynyń altyn medali úshin Qytaı men Japonııa quramalarynyń aqtyq oıyny ótip jatyr. Qazaqstandyqtar alǵashqy kezeńde óz tobynda 3-oryn alǵandyqtan júldeli oryndarǵa talasý múmkindigin qoldan shyǵaryp alǵan edi. Sondyqtan olar aldaǵy qazan aıynda Japonııada ótetin Álem kýbogy dodasyna qatysa almaıdy.
