«Áıelder arasyndaǵy GGG» eń mańyzdy aıqasyna daıyndalyp jatyr
ASTANA. QazAqparat - Qazaqstandyq boksshy Aıda Satybaldınova (3-0-1) amerıkalyq Selına Barrıospen (3-0, 1 KO) jekpe-jektiń aldynda Korpýs-Krıstıde (Tehas shtaty) salmaq ólsheý rásiminen ótti, dep habarlaıdy Sports.kz.
Jekpe-jek jeńil salmaq dárejesinde (135 fýnt) ótedi. Tarazyǵa tartylýdyń nátıjesi boıynsha, «áıelder arasyndaǵy GGG» jáne «Ledı Sparta» retinde tanymal bolǵan Satybaldınova 134,5 fýnt bolsa, onyń qarsylasy odan jeńil boldy - 133,5.
Otandasymyzdyń aıtýynsha, bul onyń mansabyndaǵy eń mańyzdy aıqas bolady. Ol bokstyń jańa deńgeıine kóterilýdi josparlap otyr. Qazaqstandyq kórermender úshin jekpe-jek 8 shilde tańerteń ótedi.
