«Áıelder arasyndaǵy GGG» atanǵan qazaq qyzynyń qarsylasy anyqtaldy
ASTANA. QazAqparat - Qazaqstandyq boksshy Aıda Satybaldınovanyń (3-0-1) kezekti qarsylasynyń esimi belgili boldy, dep habarlaıdy Sports.kz.
Muhıttyń ar jaǵynda «Sparta Ledıi» jáne «Áıelder arasyndaǵy GGG» atymen tanymal bolǵan otandasymyz óziniń kelesi jekpe-jegin 15 maýsymda Indastrı qalasynda (AQSh, Kalıfornııa shtaty) ótkizedi. Ol kásibı rıngtegi jergilikti debıýtant Pepper Shenıan Dıksonmen aıqasady. Jekpe-jek jeńil salmaq dárejesinde bolady jáne tórt raýndqa sozylmaq.
Eske sala keteıik, Satybaldınova Tıhýanda (Meksıka) ótken sońǵy aıqasynda tóreshilerdiń sheshimimen meksıkalyq Annette Pabelony jeńip, WBF International tujyrymy boıynsha álem chempıony belbeýin ıemdengen bolatyn.
