«Áıelder arasyndaǵy GGG» atanǵan qazaq qyzy alǵashqy jekpe-jegin ótkizdi
ASTANA. QazAqparat - AQSh-tyń Kalıfornııa shtatyndaǵy Kommers qalasynda qazaqstandyq boksshy Aıda Satybaldınovanyń kásipqoı bokstaǵy alǵashqy kezdesýi ótti, dep habarlaıdy Sports.kz.
Ol jeńil salmaqta amerıkalyq Lıza Portermen (1-1-1) eki mınýttan tórt raýnd judyryq túıistirip, teń tústi.
Eske sala keteıik, boksqa arnalǵan belgili EsNews Youtube-arnasy jáne onyń júrgizýshisi Elı Sekbah Satybaldınovanyń soqqysyn onyń otandasy, orta salmaqta WBA Super, WBC, IBF jáne IBO nusqalary boıynsha álem chempıony Gennadıı Golovkınniń (37-0-1, 33 KO) soqqysymen salystyrǵan bolatyn. Aıdanyń ózi de GGG-diń óneri unaıtynyn aıtqan edi.
