«Áıelder arasyndaǵy GGG» atanǵan qazaq qyzy álem chempıony boldy
ASTANA. QazAqparat - Qazaqstandyq boksshy Aıda Satybaldınova (aıqasqa deıin 2-0-1) Meksıkanyń Tıhýana qalasynda ótken tıtýldyq jekpe-jeginde jeńiske jetti, dep jazady Sports.kz.
Aıdaǵa jergilikti sportshy Anette Pabelo (aıqasqa deıin 0-1-0) qarsylas boldy. Olar WBF tujyrymy boıynsha álem chempıony beldigin ózara sarapqa saldy.
Jeńil salmaqta segiz raýnd formatynda ótken kezdesýde tóreshiler jeńisti biraýyzdan Satybaldınovaǵa berdi.
Eske sala keteıik, o basta jerlesimiz basqa bir meksıkalyq boksshymen kezdesý ótkizýi tıis edi. Biraq ol salmaq ólsheý rásimine kelmegendikten, onyń ornyna buǵan deıin de (20 sáýirde) Aıdadan jeńilgen Pabelo rıngke shyqqan bolatyn.
