Áıelder arasyndaǵy Chempıondar lıgasy: Qazaqstandyq klýb «Anderlehtpen» teń tústi
NUR-SULTAN. QazAqparat – Shymkenttik «BIІK-Qazyǵurt» komandasy Belgııanyń «Anderleht» klýbymen áıelder arasyndaǵy Chempıondar lıgasynyń 1/16 fınalynyń alǵashqy oıynyn ótkizdi, dep habarlaıdy QazAqparat Sports.kz-ke silteme jasap.
Alǵashqy mınýttardan-aq belgııalyq fýtbolshylar oıynnyń tizginin ustady, alaıda qazaqstandyqtar qorǵanysta qalǵan joq. Komandalar shabýyldarmen almasyp, birinshi taım golsyz aıaqtaldy. Ekinshi taımnyń basynda Alına Lıtvınenko penaltı soǵyp, esepti ashty. Osylaısha qonaqtar alǵa shyqty. Oıynnyń ıeleri esepti qaıtaryp almaq bolyp, Brıtt Vanhameldiń kúshimen oǵan qol jetkizdi. Ekijaqty oıyn bastalyp, qorytyndy shyǵarylǵan joq. 1:1 – teń.
Qarymta oıyn 25 qyrkúıek kúni Shymkentte ótedi.
«Anderleht» (Belgııa, Brıýssel) — «BIІK-Qazyǵurt» (Shymkent, Kazaqstan) 1:1 (0:0)
Goldar: Lıtvınenko penaltımen 53 (0:1), Vanhamel 71 (1:1)
