Áıelder arasyndaǵy bokstan QR chempıonaty aıaqtaldy
ASTANA. QazAqparat - Búgin Aqmola oblysynyń Şýchınsk qalasynda áıelder arasyndaǵy bokstan Qazaqstan Respýblıkasynyń chempıonaty aıaqtaldy, dep habarlady Qazaqstandyq boks federatsııasy.
El birinshiliginiń fınaly halyqaralyq sport arenasynda ulttyq qurama quramynda elimizdiń namysyn qorǵaıtyn kóshbasshylardy anyqtady.
Búgin fınalda jeńiske jetken Nazym Qyzaıbaı (48 kg), Jaına Shekerbekova (51 kg), Dına Jolaman (54 kg), Janna Basqaeva (57 kg), Gúljaına Úbinııazova (60 kg), Zarına Tsoloeva (64 kg), Darıǵa Shákimova (69 kg), Marına Volnova (75 kg), Móldir Bazarbaeva (81 kg), Lázzat Kúngeıbaeva (+81 kg) el chempıondary atandy.
Budan buryn habarlanǵandaı, jarystar T.A.Ýálıev atyndaǵy sport mektebiniń bazasynda ótti. El birinshiligine 88 sportshy qyzdar qatysty. Chempıonat qorytyndysymen ulttyq qurama qalyptastyrylady, olar bıylǵy jylǵy basty sport jarystary - Azııa oıyndary men Ońtústik Koreıadaǵy álem chempıonatyna qatyspaq.
