Áıelder arasynda tennısten ótip jatqan halyqaralyq jarysta qazaqstandyq sportshylardyń qatary sırep barady
ASTANA. Tamyzdyń 4-i. QazAqparat // - Astanada syılyq qory 50 myń AQSh dollary turatyn áıelder arasyndaǵy ITF Circuit «Astana Women's» halyqaralyq týrnıri jalǵasýda.
Ázirge atalmysh básekeniń eki kúngi qorytyndysy elimiz úshin asa qýantarlyqtaı emes. Jarysqa qatysyp jatqan 5 tennısshi qyzdardyń
3-ýi osy ýaqyttyń ózinde qatardyn shyǵyp qaldy. Eń ókinishtisi sportshylarymyz qarsylastaryna múldem qarsylyq kórsete almady dese bolady. Naqtyraq aıtqanda Ásel Arǵynbaeva nederlandylyq Rıchel Hogenkapqa 6:0,6:0 esebimen jeńilse, Aleksandra Grınchıshına da reseılik Vesna Manasıevaǵa osyndaı eseppen ese jiberdi. Kamıla Rafkat hanym da ýkraınalyq ıÝlııa Beıgelmızorǵa eselep upaı jiberdi.
Ázirge jankúıerlerin ýkraınalyq Anastasııa Vasılevany 6:3,6:2 esebimen jeńgen Zarına Dıas qana qýantyp otyr. Esterińizge sala keteıik, atalmysh báseke tamyzdyń 8-ine deıin jalǵasady. Osy kúni astananyń Ulttyq tennıs ortalyǵynda fınaldyq oıyndar ótedi. ITF dárejesi boıynsha erler men áıelder arasynda ótetin jáne birneshe týrnırden turatyn jarys kásibı tennıs sportynyń shyńdaryn baǵyndyrýdaǵy alǵashqy baspaldaqtardyń biri dese bolady. Onda qol jetkizgen jetistikter Kásibı tennısshiler qaýymdastyǵynyń ATP jáne WTA reıtıngterinde eskeriletin bolady.
