Áıelder arasynda ótetin bokstan Álem chempıonatyna qatysatyn sportshylar sany belgili boldy
ASTANA. QazAqparat - Áıelder arasyndaǵy bokstan Álem chemıonatynda 64 memleketten kelgen 300 jýyq sportshy sheberlik baıqasady. Dúbirli dodada Rıo-de-Janeıroda ótetin jazǵy Olımpıada oıyndaryna joldamalar sarapqa salynady. Sharanyń saltanatty ashylýy 19 mamyrǵa belgilengen, qazirgi kezde qyzdar sharshy alańǵa shyǵýǵa daıyndyq ústinde, dep habarlady qalalyq ákimdiktiń baspasóz qyzmetinen.
Tórt jyldyqtyń basty básekesine lıtsenzııalar úsh salmaq dárejesinde usynylady - 51 kg deıin, 60 kg deıin jáne 75 kelige deıin. Ár sanat boıynsha tórt joldama beriledi.
Qazaqstandyq qurama komandaǵa astanalyq sportshylar: Rımma Volosenko, Valentına Halzova men Lázzat Kúngeıbaeva endi. Sonymen qatar, jarysta Nazym Qyzaıbaı, Jaına Shekerbekova, Dına Jolaman, Aıjan Hodjabekova, Zarına Tsoloeva, Vıoletta Knıazeva men ıÝldýz Mamatkýlova el namysyn qorǵaıdy.
Qazaqstan áıelder quramasynyń aǵa bapkeri Vadım Prısıajnıýk jattyǵýlardyń shtattyq rejımde ótip jatqanyn atap ótti.
- Sharshy alańǵa shyǵyp, úzdik qasıetterimizdi kórsetýimiz kerek. Onyń ústine ózimizdiń trıbýnalar qoldaý kórsetedi. Boks álemniń kóptegen elderinde damyp keledi. Sondyqtan, búginde bárin de eskerýimiz qajet. Reseı, AQSh pen Qytaı komandalary myqty. Astanada medal alýdy kózdeıtin basqa da quramalar bar. Árıne, qazaqstandyq jankúıerlerdiń qoldaýy jaqsy yntalandyrý bolmaq, buǵan úlken úmit artyp otyrmyz. Sondyqtan, elorda turǵyndary men qonaqtaryn bizge qoldaý kórsetýge shaqyramyn, al qyzdar, óz kezeginde jankúıerlerdiń senimin aqtaýǵa tyrysady, - deıdi V. Prısıajnıýk.
Álem birinshiligi 19-27 mamyrda «Barys-Arena» saraıynda ótedi.
