Áıelder arasynda bokstan el chempıonaty bastaldy
ASTANA. 25 aqpan. QazAqparat - Búgin Shymkentte bokstan áıelder arasynda Qazaqstan Respýblıkasynyń chempıonaty bastaldy. Jarys Qajymuqan atyndaǵy Ortalyq stadıonnyń jeńil atletıka sporttyq manejinde ótýde,
dep habarlady QR Boks federatsııasynyń baspasóz qyzmetinen.
Eresekter, jastar jáne jasóspirimder sanattary boıynsha ótip jatqan el birinshiligine respýblıkanyń barlyq oblystary men Astana, Almaty qalalarynan 286 bylǵary qolǵap sheberi qatysýda.
Chempıonat sharshy alańynda 30-shy jazǵy Olımpıada oıyndarynyń qola júldegeri, Qazaqstannyń 4 dúrkin chempıony, 2010 jylǵy Azııa chempıony Marına Volnova men 30-shy jazǵy Olımpıada oıyndaryna qatysýshy, elimizdiń 6 dúrkin chempıony, Azııa chempıony Saıda Hasenovalar da judyryqtasady.
Jekpe-jekterdiń fınaldyq kezdesýleri 3 naýryz kúni ótedi.
