Áıel úsh balasymen birge elge jetkizildi, Sırııada áli de 40 azamat qalyp otyr
ÁBÝ-DABI. 30 mamyr. QazAqparat - Soǵys órti basylmaı jatqan Damaskiden Qazaqstan Respýblıkasynyń azamaty, Pavlodar oblysynyń týmasy Natalıa Penner úsh balasymen din aman elge jetkizildi.
Bul Lıvanda ýaqytsha turaqtaǵan Sırııadaǵy qazaqstandyq konsýldyq jáne QR-diń Beırýt qalasyndaǵy dıplomatııalyq mıssııasy qyzmetkerleriniń tikeleı kómeginiń arqasynda iske asty.
Sırııada áli de 40 azamattyń qalyp otyrǵandyǵy qazaqstandyq konsýldyqqa belgili bolyp otyr. Qarýly qaqtyǵys bastalǵannan beri 200-ge jýyq otandasymyz elge kóshirildi. Basym bóligi sábıleri bar áıelder. Qazaqstandyq dıplomattar olardy elge attandyrý jumystaryna jan-jaqty kómek kórsetýde.
