Áıel taksı júrgizýshisiniń ólimi: Qaraǵandynyń úsh turǵyny sot aldynda jaýap berdi
QARAǴANDY. QazAqparat - Áıel taksı júrgizýshisin óltirip, qylmys izin jasyrǵan Qaraǵandy oblysynyń úsh turǵyny sottalyp jatyr, dep habarlaıdy «QazAqparat» HAA tilshisi.
Úsh kidikti de qylmystaryn moıyndady. Olardyń biri adam óltirdi dep, ekeýi - qylmyskerge kómekteskeni úshin aıyptalýda. Olar áıeldiń denesin saıajaı aýmaǵyndaǵy qudyqqa tastaýǵa kómektesken.
Qaraǵandy oblystyq qylmystyq ister boıynsha mamandandyrylǵan aýdanaralyq sotynyń sýdıasy Bekzat Shalǵymbaev taksı júrgizýshisin neshe adamnyń óltirgenin anyqtaıdy. Týystary ony úsh adamnyń óltirgenine senimdi, sebebi qylmysker bireý bolsa, onyń áli jetetin edi. Qaza tapqan ıÝlııa Stronkýs kıkboksıngpen aınalysqan.
Eske salaıyq, 28 qazanda Qaraǵandy mańyndaǵy Aqtasta taksı qyzmetinde jumys isteıtin áıeldiń máıiti tabylǵan edi. 28 jastaǵy ıÝlııa sońǵy tapsyrysyn taksı qyzmetiniń dıspetcherinen alǵan. Taksı qyzmetiniń keńsesine birneshe jigit kelip, Shahtınsk qalasyna jetkizetin kólik suraǵan. Tapsyrysty oryndaý kezegi ıÝlııa Stonkýsqa kelgen. Ol jigitterdi «Mersedeske» otyrǵyzyp júrip ketken. Olar jolda Qaraǵandydaǵy Ortalyq ámbebap dúkenge kirip, ol bir lıtr araq satyp alyp, kólikte ishken. Olar saıajaı mańyna kelgende, kólik buzylady. Ashýlanǵan klıent boıjetkenniń basynan taspen urǵan, keıin saıajaıda kúzetshi bolyp jumys isteıtin dostaryn shaqyrǵan. Úsheýi onyń denesin qudyqqa tastaǵan.
