Áıel otqa oranǵan páterde úsh jasar náresteni tastap ketken
ASTANA. QazAqparat - Vologoda quqyq qorǵaý organdary 24 jastaǵy jergilikti turǵynǵa qatysty qylmystyq is qozǵady, dep habarlady RF TK aımaq boıynsha Tergeý basqarmasynyń baspasóz qyzmetinen.
Jas áıel qurbysynyń úsh jasar qyzyn bólmede shyqqan órt kezinde qutqarýǵa talpynbaǵan.
Polıtseıler anyqtaǵandaı, kúdikti qaramaǵandyqtan, kishkentaı qyz ottyqtyń (zajıgalka) birimen oınap otyryp, tutatyp alǵan. Jalyn tıgen tósek-oryn órtengen. Áıel bul kezde ózge dıvanda uıyqtap jatqan.
Oıanyp, muny kórgen ol jalma-jan balany alyp bólmeden shyǵýdyń ornyna órtti sóndirmekke árekettengen. Alaıda tilsiz jaý tez tarap, tútin saldarynan balany tabý múmkin bolmady.
Oqıǵa ornyna jetken órt sóndirýshiler otty aýyzdyqtap, balany qutqardy. Alaıda denesin kúıik shalǵan kishkentaı qyz aýrýhanada kóz jumdy.
