Áıel men balany mert qylǵan júrgizýshi oqıǵa ornynan qashyp ketti
TALDYQORǴAN.QazAqparat - Almaty-Bishkek tas jolynda áıel adamdy kishkentaı balasymen birge kólik qaǵyp, júrgizýshi oqıǵa ornynan qashyp ketken. Áıel adam da, bala da oqıǵa ornynda mert bolǵan, dep habarlaıdy QazAqparat tilshisi.
Oqıǵa keshe túnde bolǵan. Oblystyq ІІD baspasóz qyzmetiniń málimetinshe, qaıtys bolǵan adamnyń kim ekeni áli belgisiz.
«Qazir atalǵan fakti boıynsha Almaty oblysynyń ІІD jáne Qarasaı aýdandyq ІІB polıtseıleri oqıǵa ornynan qashyp ketken kóliktiń ıesin izdestirip jatyr. Mashınanyń izimen izdestirý jumystary jalǵasýda. Al áıel adamnyń jeke tulǵasy áli anyqtalmady. Bala da áıel de oqıǵa ornynda qaıtys bolǵan», dep málim etti Almaty oblystyq ІІD baspasóz qyzmeti.
Polıtseılerdiń málimetinshe, mert bolǵan áıel shamamen 35-40 jasta. Kólik apaty Almaty-Bishkek tas jolynyń 27 shaqyrymynda bolǵan.
