Áıel men bala quqyǵy ınstıtýtyn qurý kerek - quqyq qorǵaýshy

ASTANA. KAZINFORM – Áıel men bala quqyǵy ınstıtýtyn qurý kerek. Bul usynysty búgin Ulttyq quryltaı otyrysynda belgili quqyq qorǵaýshy Aıman Omarova aıtty. 

«Zorlyq-zombylyq qurbandarynyń kópshiligi óz quqyqtaryn jáne memleket olarǵa bere alatyn múmkindikterdi bilmeıdi. Osyǵan baılanysty Áıelder men balalardyń quqyqtaryn qorǵaý ınstıtýtyn qurýdy usynamyn», - dedi A. Omarova.

Onyń aıtýynsha, atalǵan ınstıtýt qalalarda jáne shalǵaıdaǵy eldi mekenderde tıisti málimet berip, quqyqtyq saýattylyqty arttyrýǵa úles qosýy tıis.

Aıta keteıik, búgin Prezıdent Qasym-Jomart Toqaevtyń tóraǵalyǵymen Ulttyq quryltaıdyń otyrysy bastaldy. Qazir Quryltaı músheleri sektsııalarda aıtylǵan usynystar men bastamalardy ortaǵa salyp, óz oılarymen bólisip jatyr.