Áıel qyzyn dárigersiz emdep, óltirip aldy
ASTANA. QazAqparat - Reseıdiń Týva ólkesinde áıel balasyn monshada kúıdirip alyp, ony eki apta boıy dárigerlerge kórsetpeı, úıinde shyrǵanaq maıyn jaǵyp emdegen, dep habarlady RIA Novostı.
Tergeý nusqasy boıynsha, Kaa-Hemsk aýdany Býren-Baı-Haak aýylyndaǵy jeke úıdiń monshasynda anasy baıqaýsyzda bir jarym jasar qyzynyń ústine ystyq sý quıyp kúıdirip alǵan. Sonyń saldarynan búldirshinniń basy, moıny, keýdesi, aıaqtary kúıip qalǵan. Búldirshi denesiniń 60%-yn 3-shi dárejeli kúıik shalady. Odan keıin áıel bir apta boıy medıtsınalyq mekemeniń kómegine júginbeı, búldirshin qyzdyń kúıgen jerlerinen shyrǵanaq maıyn jaǵyp emdegen.
«Áıel balasymen birge 16 tamyz kúni aýrýhanaǵa jatqyzylady. Alaıda, kórsetilgen medıtsınalyq kómekke qaramastan, búldirshin 22 tamyz kúni kóz jumdy. Sot-medıtsınalyq saraptamasynyń qorytyndysyna sáıkes, kámeletke tolmaǵan balanyń ólimi 3-shi dárejeli termııalyq kúıik, onyń ústine kúıik aýrýynyń asqynýy saldarynan bolǵan», - delingen jergilikti quqyq qorǵaý organdary taratqan habarlamada.
Týǵan qyzyn abaısyzda óltirip alǵan anaǵa qatysty qylmystyq is qozǵaldy.
Foto: © RIA Novostı / Konstantın Chalabov
