Áıeli kúıeýinen zábir kórgenin aıtty: ákimniń áreketine qatysty qyzmettik tekserý júrgiziledi

ATYRAÝ. KAZINFORM – Atyraý oblysyndaǵy aýdan ákiminiń áreketine qatysty qyzmettik tekserý júrgiziledi.

Atyraý oblysy ákiminiń baspasóz qyzmetinen málim etkendeı, aýdan ákiminiń burynǵy jubaıy ákimdikke júginbegen.

«Azamatsha A.Úmbetqalıeva Atyraý oblysynyń ákimdigine júginbegenin habarlaımyz. Týyndaǵan mán-jaılarǵa baılanysty qyzmettik tekserý taǵaıyndaldy», - dep habarlady oblys ákiminiń baspasóz qyzmeti.

Al Atyraý oblystyq sotynyń baspasóz qyzmeti aýdan ákimine qatysty qylmystyq istiń qaralyp jatqanyn rastady.

«Qylmystyq is Atyraý qalasynyń №2 sotynda qaralyp jatyr. Kelesi sot otyrysy 29 mamyrda saǵat 10:00-de ótedi», - dep málim etti oblystyq sottyń baspasóz qyzmetinen.

Eske sala ketelik, Atyraýda aýdan ákiminiń áıeli kúıeýinen zábir kórgenin aıtqan edi.